*NOVENA YA MTAKATIFU PAULO MTUME*
(Novena maalumu Ya kushinda vizuizi vya adui)
*SALI SALA HII KWA SIKU 9*
*NOVENA YA MT PAULO MTUME-SIKU YA TISA*
Kwa Jina la Baba na La Mwana na La Roho mtakatifu.Amina
Ee mwenyezi Mungu,Baba wa kweli uliyemchagua mtumishi wako Mtakatifu paulo kuwa mtume wa mataifa na ukamuepusha na vikwazo vya wapagani na shetani katika Huduma yake
Ninasogea mbele zake Bwana Yesu mbele Ya mwanga wako mtakatifu nikitubu dhambi zangu na uovu wangu,Ninaomba moyo mpya wa kukutumikia kwa nguvu zote kama mtakatifu paulo
Ee Bwana Yesu uliyemuita mtakatifu paulo mtume katikati ya wayahudi ambao walikupinga,ninaomba leo unitoe katikati ya wasiokuamini na ukoo wangu Kwa kuwasamehe uovu na kunitenga na madhabahu zote za giza ili nikutumikie wewe peke yako
Kwa neema ileile ambayo ulimuachia mtakatifu paulo mtume ninaomba pia unipe neema na kunitoa katika vikwazo vyote vya adui
Ninakataa vikwazo vyoye vya adui katika maisha yangu,Kwa damu ya Bwana Yesu ninakataa maagano yote ya giza,ninaktaa uhalali wote wa adui
Ninapinga kila vizuizi vya kipepo kwenye uchumi wangu,ndoa yangu,ajira yangu,huduma yangu,afya,watoto na kila sehemu,viondoke na kuniachia sawasawa na neema ya mtumishi wako paulo mtume
Milango yote iliyofungwa kwenye maisha yangu ifunguke kwa Jina la Bwana Yesu
Malaika yule yule uliyempa mtakatifu paulo mtume anihudumie mimi pia katika magumu yote ninayopitia na kunitoa katika hatari Zote
Kwa maombezi ya Mtakatifu wako mtiifu paulo mtume ninaomba usikilize pia maombi yangi haya Bwana
(*Weka ombi lako hapa*)
Ee Bwana Yesu umesema ombeni nanyi mtapewa,nami ninaamini sasa kuwa tayari umeshanijibu ombi langu Kwa maana unanipenda sana ndio maana ulikufa kwaajili yangu na kufufuka ili unikoe
Kama ambavyo ulimbadili sauli na kuwa paulo ,Muuaji kuwa mtumishi wako ,Ninajua Bwana Yesu unaweza kubadili mateso yangu kuwa furaha tena
Damu Yako iendelee kunena mema na mipenyo kwenye maisha yangu, ninang'oa vizuizi vyote kwa Jina la Yesu
Mtumishi wako mtakatifu Paulo ulimuondolea laana zote za unyanyasaji na Mimi pia ninaomba ufute laana zote kwangu na kunibariki Bwana Yesu kama ulivyombariki Mtakatifu paulo mtume
Baba Yetu x 3
Uje Roho mtakatifu
Salamu Maria x 3
ATUKUZWE X3
Kwa maombezi ya Mtakatifu paulo mtume maombi yangu yakubalike kwako Bwana
Sifa heshima na utukufu ni wako hata milele . AMINA